Azərbaycan və Gürcüstan dekabr ərzində qarşılıqlı enerji mübadiləsi keçirəcəklər. Bu prosesi gələcəkdə də davam etdirmək düşünülür. "Azərenerji" SC-nin vitse-prezidenti Marlen Əsgərov Trend ə bildirib ki, hazırda Gürcüstan Azərbaycana sütkada 4 saat 60 MVt gücündə elektrik enerjisi verir və onu günün başqa saatı geri alır.
Gürcüstan Azərbaycana bundan öncə verilmiş elektrik enerjisi ilə bağlı borcunu artıq geri qaytarıb.
"Gürcüstan dövlət elektrik sistemi" şirkətinə İrlandiyanın "ESBI" şirkəti başçılıq edir. Gürcüstanın Azərbaycan qarşısında 13 mln. kVt/s elektrik enerjisi borcu olub.
