Azərbaycan Dövlət Neft Şirkəti Gobustan Operating Company (GOC) şirkəti tərəfindən işlənən "Cənub-Qərbi Qobustan" müqavilə sahəsində iki və üçölçülü (2D və 3D) seysmik kəşfiyyatın həyata keçirilməsini davam etdirir.
ARDNŞ-dən Trend ə verilən məlumata görə, işlərin müəyyən hissəsi yerinə yetirilib, lakin işlərin birbaşa olaraq 2007-ci ildə tamamlanacağı nəzərdə tutulub.
Seysmik kəşfiyyatın aparılması üzrə GOC şirkətinin podratçısı qismində Azərbaycan Dövlət Neft şirkətinin (ARDNŞ) Geologiya və geofizika idarəsi çıxış edir. Subpodratçı Rusiyanın "Tümənneftgeofizika" trestidir.
"Daşgil", "Duvannı" və "Kənizədağ" yataqlarında ("Cənub-qərbi Qobustan"ın tərkibinə daxil olan) 200 km2 sahədə üçölçülü seysmik kəşfiyyat, "Mərkəzi" və "Şimal" bloklarında 480 km2 sahədə isə - ikiölçülü seysmik kəşfiyyat aparılacaq.
ARDNŞ ilə bağlanmış PSA üzrə "Cənub-qərbi Qobustan"ın işlənməsi ilə GOC əməliyyat şirkəti məşğul olur. Gobustan Operating Company -də 80% iştirak Commonwealth Gobustan Limited şirkətinə, 20% isə ARDNŞ-ə məxsusdur. Commonwealth Gobustan Limited şirkətində 37,17% Arawak Energy şirkətinə, 62,83% - China National Petroleum Company şirkətlər qrupuna malikdir.
