Azərbaycan hökuməti Almaniyanın İqtisadi İnkişaf Nazirliyi və KFW Almaniya İnkişaf bankı ilə Az.QRES-İmişli Elektrik Ötürücüsü xəttinin inşası üçün kredit şərtlərinin razılaşdırılması barədə danışıqları başa çatdırıb. Ölkənin Nazirlər Kabinetindən Trend ə verilən xəbərə görə, alman tərəfi Azərbaycan hökumətinin xahişi ilə kredit şərtlərini yumşaldıb. Razılaşmaya görə, kredit eurobor+0% dərəcəsi üzrə veriləcək, yəni, kredit razılaşması imzalanan andan eurobor qoyulacaq. Əvvəlki yarımillik eurobor (2006-cı ilin iyun-dekabrı) 3,42% təşkil edib. Energetika layihəsinə ayrılan borcların iki güzəşt ili də daxil olmaqla on iki il müddəti var.
Nazirlər Kabineti "Azərenerji" SC-yə Almaniya tərəfi ilə kredit sazişi razılaşdırmağı və uyğun olaraq Azərbaycan və KWF arasında maliyyələşmə barədə razılıq əldə etməyi tapşırıb. İmzalanma müddəti onların hazırlığı bitirilməsindən asılı olacaq. Layihənin maliyyələşməsi üçün bank 30 mln. avro ayırıb və layihənin 85% dəyərini təmin edib. Layihə AzQRES-dən İmişliyədək 195 km uzunluqda elektrik xəttinin inşasını nəzərdə tutur. Həmçinin Goranboyda yarımstansiyanın tikilməsi və xüsusi özüllər vasitəsilə İmişli yarımstansiyasına 330 kVt gücündə elektrik enerjisinin ötürüləmə sahəsinin genişləndirilməsi planlaşdırılır. LEY-in tikintisindən sonra elektrik ötürücü xətlərinin gücü əvvəlki 200 mV-dən 700mV-dək artacaq.
