Azərbaycan operatoru BP olan Azərbaycan Beynəlxalq Əməliyyat Şirkəti (ABƏŞ) ilə 2007-ci ildə "Azəri"-"Çıraq"-"Günəşli" yataqlarından səmt qazının maksimal mümkün həcmlərinin ötürülməsi haqqında razılaşma əldə edib. Bu barədə Trend məlumatlandırılmış mənbələrə istinadən xəbər verir.
Ehtimal olunur ki, bu göstərici sutkada 9 mln. kubmetr qaza çatacaq.
Hazırda Azərbaycana sutkada 8 mln. kubmetrdən çox qaz verilir. Bunun 7 mln. kubmetri Səngəçal neft terminalından, 1,2 mln. isə "Neft Daşları"ndan ötürülür.
Əvvəl güman edilirdi ki, "AÇG"dən səmt qazının Azərbaycana veriləcəyi ümumi həcm 2007-ci ildə 1,4 mlrd. kubmetr təşkil edəcək. BP təzyiqi saxlamaq üçün yataqda hasil edilən səmt qazını yenidən laya vurur. Əgər onun bir hissəsi Azərbaycana verilsə, o zaman laya vurulan həcm azalacaq və nəticədə yataqdan neft hasilatı da azalacaq.
Əvvəl ABƏŞ Azərbaycana böyük qaz həcmlərinin verilməsi və təzyiqin saxlanması üçün qazın laya vurulan həcminin azalması ilə bağlı yaranacaq itirilmiş neft həcmlərinə görə kompensasiyanın ödənilməsi məsələsini qaldırıb. ARDNŞ bu həcmi ödəmək niyyətində deyil.