Azərbaycan Respublikasının neft-qaz sənayesinin həmkarlar ittifaqının Respublika Komitəsi 2007-ci ilin 5-8 iyun tarixində Heydər Əliyev adına idman-sərgi kompleksində keçiriləcək Caspian Oil & Gas 2007 sərgisində iştirak edə bilər. Bu barədə Trend ə komitə sədri Cahangir Əliyev məlumat verib.
"Hər şey işin maliyyə tərəfindən asılıdır. Maliyyə mənbələri müəyyənləşsə, biz böyük sevinclə sərgidə iştirak edərik", deyə o qeyd edib.
Ötən il komitə Caspian Energy ICEM (International Federation of Chemical, Energy, Mine and General Workers' Unions) Beynəlxalq Federasiyanın kimya, dağ-mədən sənayesi, energetika və digər sahələr üzrə işçilərinin həmkarlar ittifaqı ilə birgə sərgidə iştirak edib.
Azərbaycan 1999-cu ildən ICEM-in üzvüdür.
"Biz maliyyə imkanları çərçivəsində adıçəkilən sənaye sahələrinin bütün mümkün sərgilərində iştirak etməyə qərar vermişik", deyə, C. Əliyev bəyan edib.