Azərbaycan,Bakı/müxbir Trend S.Əliyev/"Şahdəniz"dən Türkiyəyə qaz çatdırılması bu yataqda ikinci çıxarıcı quyunun istismara verilməsindən sonra müəyyən olunub, deyə Azərbaycan Dövlət Neft Şirkətinin prezidenti Rövnəq Abdullayev məlumat verib. Bu barədə ANS telekanalına istinadən Trend məlumat verir.
Layihənin texniki operatoru BP Azerbaijan şirkətinin proqnozlarına görə, şirkət "Şahdəniz"də bu quyunu martın sonu-aprelin əvvəlində istismara verəcək. Sonra dördüncü quyu istismara veriləcək. Bu iki quyunun istifadəyə verilməsindən sonra BP Azerbaijan birinci quyuda işini davam etdirəcək. Bu quyunun işi qaz sızması nəticəsində dayandırılıb.
Hazırda "Şahdəniz" yatağında bir quyu işləyir. Onun sutkalıq debiti təxminən 5,6 mln. kub metr qaz və 1,5 min ton kondensat təşkil edir.
Layihə üzrə əməkdaşlar artıq Gürcüstana qazın çatdırılmasına başlayıb. Boru kəməri vasitəsilə sutkada Gürcüstana təxminən 200 min kub metr qaz çatdırılır.
"Şahdəniz" layihəsinin "Mərhələ-1" çərçivəsində plato mərhələsində ildə 8,6 mlrd. kub metr qaz hasil olunacaq. 2007-ci ildə "Şahdəniz"dən 2,8 mlrd. kub metr qaz əldə olunacaq.
