Azərbaycan, Bakı/ Trend müxbir S.Əliyev/ "Kazmunayqaz" QSC Türkiyənin Petkim kimya holdinqinin özəlləşdirilməsi prosesində Azərbaycanın Dövlət Neft Şirkəti (ARDNŞ) ilə birgə iştirak etməsi yüksək qiymətləndirilir.
Çərşənbə axşamı mətbuat konfransında Azərbaycan Dövlət Neft Şirkətinin prezidenti Rövnəq Abdullayev bildirib ki, "Kazmunayqaz" bu kimya holdinqi üçün xammal tədarük olunmasında böyük rol oynayır.
Qeyd edək ki, ARDNŞ və "Kazmunayqaz" Türkiyənin Petkim kimya holdinqinin özəlləşdirilməsində birgə iştirak etmək barədə razılığa gəliblər.
Əgər tərəflər kimya holdinqinin özəlləşdirilməsi üzrə müsabiqədə qələbə qazanarlarsa, idarəçilik birgə həyata keçiriləcək.
Petkim holdinqin 51 faiz dövlət payının alınması üçün ARDNŞ-lə yanaşı Turcas Petrolculuk AS, Zorlu, Anadolu, Ulker və Indian Oil Corp şirkətləri də müraciət ediblər. Holdinqin bazar qiyməti 700 mln dolları ötür.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
