Azərbaycan, Bakı / Trend / Azərbaycanın Dövlət Neft Şirkəti (ARDNŞ) sentyabrda Novorossiysk limanından öz neftinin satışına dair tenderi qapalı elan edib. Bu barədə çərşənbə günü ARDNŞ-in Marketinq və İqtisadi Əməliyyatlar İdarəsindən verilən məlumatda deyilir. Tenderin qalibi "Glencore" şirkəti olub. Partiyanın həcmi 605 min barelə (82 min ton) bərabər olacaq.
Partiyanın yüklənib-daşınması sentyabrın 28-29-da Novorossiysk terminalının N2 sahəsindən gerçəkləşdiriləcək.
Yanvar-iyun aylarında ARDNŞ Bakı-Novorossiysk kəməri ilə 497 min ton neft ixrac edib.
ARDNŞ-in neftini 2007-ci ildə Novorossiyskdən bu şirkətlər alıb:
Glencore Energy UK Ltd - fevral (450 min barel);
REOC Ltd - mart (450 min barel);
Glencore Energy UK Ltd - aprel (450 min barel);
Sunoil SA - may (450 min barel);
Oil Refineries LTD - iyun (1,2 mln. barel);
Oil Refineries LTD - iyul (1,2 min barel);
Glencore - avqust - (1,2 mln. barel) ;
Glencore - sentyabr - (605 min barel).