Azərbaycan İranla STEFI sistemi üzrə poçt köçürmələrinin tətbiqini müzakirə edəcək
Azərbaycan, Bakı/ Trend ,müxbir S.Babayeva/ Azərbaycan STEFI /Secured Transfer of Electronic Financial Information (STEFI) beynəlxalq elektron poçt köçürməsi sistemi üzrə ikitərəfli poçt pul köçürmələrinin tətbiqi məsələsini İranla müzakirə edəcək.
Azərbaycanın Rabitə və İnformasiya Texnologiyaları Nazirliyinin Poçt Bölməsinin rəhbəri Novruz Məmmədov çərşənbə axşamı bildirib ki, bu məsələnin müzakirəsi bu gün Bakıda fəaliyyətə başlayan ECO ölkələlrinin poçt qurumlarının IV toplantısı çərçivəsində mümkün olacaq."Biz müsbət nəticələrə nail olmağa çalışırıq",-deyə o söyləyib.
MTF/STEFI sistemi üzrə elektron pul köçürmələrini Azərbaycan Rusiya, Moldova, Belarus, Ukrayna, Qazaxıstan, Birləşmiş Ərəb Əmirlikləri ilə həyata keçirir, bu sahədə bir neçə Asiya ölkəsi ilə razılaşmalar var.
Yaxın zamanlarda STEFI elektron pul köçürmə xidmətinin coğrafiyasının genişləndirilməsi üçün tərəfdaş ölkələrin sayının artırılması planları mövcuddur. Bu ölkələrin sırasına, ilk növbədə, Latviya, Estoniya, Mərkəzi Asiya və Fransa daxildir.
