...

Azərbaycanda informasiya-kommunikasiya texnologiyalarının inkişafı üçün İnsan Ehtiyatları Fondu qeydiyyatdan keçirilib

Telekommunikasiya Materials 18 Fevral 2008 14:36 (UTC +04:00)

Azərbaycan, Bakı, 18 fevral/ Trend , müxbir S.Babayeva/ Azərbaycan Ədliyyə Nazirliyi 2006-cı ilin sonunda təsis edilən informasiya-kommunikasiya texnologiyalarının (İKT) inkişafı üçün İnsan Ehtiyatları Xeyriyyə Fondunu rəsmi olaraq qeyd edib. Bu barədə bazar ertəsi Azərbaycanın Rabitə və İnformasiya Texnologiyaları Nazirliyindən məlumat veriblər. QHT qismində Fondun yaradılması təşəbbüsü ilə Rabitə Nazirliyi və İT-şirkətlərin rəhbərliyi çıxış edib.

"Bu məsələ (qeydiyyat) uzun müddət açıq qalıb və nəhayət öz həllini tapıb" - nazirlikdən bildiriblər.

Fondun tərkibinə 15-dən çox İT-şirkət - AZEL, Sinam, Ultra, Catel, Azercell, Bakcell, Azerfon, Microsoft və başqaları daxildir. Gələcəkdə FondaAzərbaycan ərazisində fəaliyyət göstərən digər şirkətlər daxil ola bilərlər.

Nazirlikdən bildiriblər ki, fevralın sonunadək Fondun birinci iclasını keçirmək planlaşdırılır. İclasda idarə heyətinin üzvləri seçiləcək, rabitə və informasiya texnologiyaları sahəsində yerli kadrların xaricdə təhsilə almasına yardım üzrə iş planı müəyyən ediləcək.

Buna qədər Rabitə Nazirliyinin xətti ilə Ukrayna, ABŞ, Koreya ATM-də 30-a yaxın insan təhsil alır. Fond fəaliyyət göstərməyə başladıqdan sonra tələbələrin təhsili fondun vəsaitləri hesabına həyata keçiriləcək. Fondun mənbələri özəl şirkətlər və Rabitə Nazirliyi olacaq.

Xəbər lenti

Xəbər lenti