Azərbaycan, Bakı, 31 mart / Trend , müxbir S.Babayeva/ Bu gün Azərbaycanın rabitə və informasiya texnologiyaları (RİTN) naziri Əli Abbasov İslam Konfransı Təşkilatının (İKT) elmi-texnoloji əməkdaşlıq Komitəsi Baş Assambleyasının (COMSTECH) 13-cü iclasında iştirak etmək üçün İslamabada yola düşəcək.
Aprelin 1-3-də keçiriləcək iclas zamanı Abbasovun nitq söyləməsi, həmiçnin xarici ölkələrdən olan həmkarları ilə ikitərəfli görüşlər keçirməsi planlaşdırılıb.
Nazirlikdən bildiriblər ki, şərq ölkələrində yeni texnologiyaların inkişafı, Azərbaycanın təşəbbüsü ilə Şərq-Qərb transmilli informasiya dəhlizinin yaradılması məsələləri müzakirə mövzusu olacaq.
Görüşdə İKT iştirakçı dövlətlərinin elm və texnologiyalar nazirləri iştirak edəcəklər.
Elmi-texnoloji əməkdaşlıq Komitəsi 1981-ci ilin yanvar ayında təsis edilib və komitəyə hazırda Pakistan prezidenti Pərviz Müşərrəf rəhbərlik edir.
