Azərbaycan, Bakı, 08 aprel/ " , müxbir S.Babayeva/ GSM standartı üzrə 700-dən çox mobil rabitə operatorunu təmsil edən Avropa GSM Assosiasiyasının məlumatına görə, dünyada GSM mobil rabitə abunəçilərinin sayı 2,81 mlrd. nəfərə çatır.
Dünyada | 2,881,123,146 |
Afrika | 265,076,453 (9%) |
Amerika | 297,393,161 (10%) |
Asiya-Sakit okean regionu | 1,162,251,880 (40%) |
Avropa: Şərqi | 397,925,950 (14%) |
Avropa: Qərbi | 478,833,084 (17%) |
Orta Şərq | 173,200,146 (6%) |
ABŞ/Kanada | 106,442,472 (4%) |
1987-ci ildə yaradılan Assosiasiyanın məlumatına görə, dünyadakı mobil rabitə operatorları GSM şəbəkələrin yaradılmasına $234 mlrd. sərf ediblər, dünyada 2,6 mlrd. GSM birləşmə var. Bu, gündə 1,2 mln. yeni GSM birləşmə deməkdir. Beləliklə, əhalinin 80 faizdən çoxu GSM şəbəkələrin əhatə zonasına daxil olur. Assosiasiya ən böyük mobil rabitə bazarları kimi Çin, Hindistan və Rusiyanı göstərib.
Assosiasiyanın proqnozlarına görə, 2010-cu ilin birinci rübü üçün dünyada mobil birləşmələrin sayı 4 mlrd.-a çatacaq. 2010-cu ilədək mobil rabitə üçün reklama çəkilən xərclər $14 mlrd. -ı ötəcək.
Azərbaycanda üç GSM mobil rabitə operatoru fəaliyyət göstərir. Abunəçilərin ümumi sayı 4 mln. nəfəri ötür.