Azərbaycan, Bakı, 28 avqust/ Trend , müxbir S.Babayeva/Azərbaycanın Rabitə və Informasiya Texnologiyaları Nazirliyinin Aztelekom İstehsalat Birliyi İmişli rayonunun yaşayış məntəqələrinin telefonalşdırılması üçün 228 nömrə tutumlu üç avtomatlaşdırılmış telefon stansiyanın quraşdırılması üzrə kotirovkaların sorğusunu elan edib. Orada peyk avadanlığı quraşdırılıb.
Tenderə maraq göstərənlər sentyabrın 1-dək təkliflərini təqdim etməlidirlər. Təkliflərə İmişlinin Telekommunikasiya Idarəsində baxılacaq.
Ölkənin telefon şəbəkəsinin yenidən qurulması "Elektron Azərbaycan"Dövlət Proqramı çərçivəsində həyata keçirilir və hazırda regionlarda elektronlaşdırılmış şəbəkənin payı 70 faizi ötür.
İlin əvvəlindən bəri Rabitə Nazirliyi 33562 telefon nömrəsini istismara verib.
Hökumətin proqnozlarına görə, Azərbaycanda 2011-ci ilədək hər 100 nəfərə düşəcək telefon aparatlarının sayı 19,8 ədəd artacaq. Hazırda bu rəqəm 15 ədəd təşkil edir.