Azərbaycan, Bakı, 21 yanvar/ Trend , müxbir S.Babayeva/
Azərbaycanın Rabitə və İnformasiya Texnologiyaları Nazirliyi (RİTN) iri şirkətləri AzerSat milli rabitə peytikinin buraxılış layihəsinin reallaşdırılması üzrə tenderdə iştiraka dəvət edir. Bu barədə çərşənbə günü Idarə rəhbəri Əli Abbasov bildirib.
"Biz (RİTN) artıq tender prosesinə başlamışıq, məhdud saylı şirkətlərə layihədə iştirak üçün dəvət göndərmişik və bu gün tender qrupu rəsmən işə başlayıb", - deyə Abbasov vurğulayıb.
Nazirin sözlərinə görə, Beynəlxalq Elektrorabitə İttifaqı (ITU) Azərbaycan üçün iki planlı orbitral mövqe ayırıb və bu yalnız ölkə daxilində yayıma imkan verir. Buna baxmayaraq, plandan kənar mövqeyin səmərəliliyini nəzərə alaraq (digər dövlətlərə yayım), bu qəbildən olan mövqe üzrə 20 il müddətinə razılaşma imzalanıb.
Ötən il RİTN Türkiyənin Turksat şirkəti ilə Azərbaycan peyki üçün onun orbitral mövqeyindən istifadə üzrə əməkdaşlığa dair protokol imzalanıb.
Rabitə peykinin buraxılma layihəsinin dəyəri 200 mln. dollar qiymətləndirilir. RİNT-nin proqnozlarına görə, layihənin dəyəri beş il ərzində çıxarılacaq, qalan 15 il ərzində isə o, Azərbaycana gəlir gətirməyə başlayacaq.
Azərbaycan prezidenti İlham Əliyev 2008 - ci ilin noyabrında ölkədə kosmik sənayenin yaradılması və orbitə telekommunikasiya peyklərinin buraxılması barədə sərəncam imzalayıb. Sənəddə qeyd olunur ki, Azərbaycanın Avropa və Asiya arasında əlverişli coğrafi və iqtisadi məkanda yerləşməsi ölkənin iqtisadi və informasiya təhlükəsizliyi üçün əsas komponent olan telekommunikasiya peyklərinin yaradılması və onların orbitə braxılmasını zəruri edir.
Məqalə müəllifi ilə əlaqə ünvanı - [email protected]
