...

Azərbaycanın Rabitə Nazirliyi ölkə regionlarından birində NGN şəbəkəsi quracaq

Telekommunikasiya Materials 3 Fevral 2009 15:39

Trend-i buradan izləyin

Azərbaycan, Bakı, 03 fevral/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyinin Aztelekom İstehsalat Birliyi (İB) Göyçay rayonunda NGN (Next Generation Network) şəbəkəsinin qurulmasına dair keçirilən tenderin qalibini müəyyən edib.

Tenderdə İskratel telekommunikasiya şirkəti (Sloveniya) qalib gəlib, - İB-in məlumatında deyilir.

İskratel Göyçay rayonunda mərkəzi və yerli ATS-in NGN texnologiyası üzrə yenidən qurulmasını aparacaq.

Azərbaycanın regionunda birinci NGN şəbəkəsi Şamaxı və bu rayonun 23 kəndində məhz İskratel şirkəti tərəfindən qurulub və istismara verilib. Bundan sonra regionun bütün sakinlərinin İP-telefoniya, İnternet, televiziya və DATA-xidmətlərdən istifadə imkanı var.

NGN (növbəti nəsil şəbəkəsi) paketlərin kommutasiyasından istifadə etməklə nitq, təsvirlər və məlumatların ötürülməsi üçün nəzərdə tutulmuş universal çoxməqsədli şəbəkədir.

NGN şəbəkəsi müxtəlif növ telekommunikasiya trafiki üçün zəruri olan xidmət keyfiyyətini təmin edir. Adı çəkilən texnologiyanın tətbiqi abonentlərə VoİP-telefoniya, səsli poçt, məlumatların ötürülməsi xidmətləri, multimediya xidmətləri və başqa bu kimi xidmətlərdən istifadə etmək imkanı verir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti