Azərbaycan, Bakı, 10 mart / Trend , müxbir S.Babayeva /
"Azərpoçt"un (dövlət poçt operatoru) maliyyə xidmətlərinin tarifləri bankın təklif etdiyindən aşağı olacaq, - Azərbaycanın Rabitə və İnformasiya Texnologiyaları Nazirliyinin poçt bölməsinin rəhbəri Novruz Məmmədov bildirib.
"Bu tariflər hökumət tərəfindən deyil, bazar şərtlərinə əsasən nizamlanacaq. Lakin bununla yanaşı, "Azərpoçt"un ölkədəki poçt şöbələrini və operatorun əhaliyə təklif etdiyi maliyyə xidmətlərinin yeganə olmadığını nəzərə alsaq, onda bu xidmətlərin maya dəyəri banklara nisbətən aşağı olacaq, - Məmmədov bildirib.
Onun sözlərinə görə, "Azərpoçt" ölkədə əhaliyə, hətta uzaq kəndlərdə də xidmət göstərilməsinə şərait yaradan 1,6 min poçt şöbəsinə malik yeganə təşkilatdır.
"Azərpoçt" 2009-cu ildən etibarən ölkənin poçt setinin təkmilləşdirilməsi istiqamətində olan "Maliyyə xidmətlərinin inkişafı" adlı Ümumdünya Bank layihəsi çərçivəsində maliyyə xidmətləri göstərəcək.
Layihənin dəyəri 17,5 milyon dollar təşkil edir, ÜB 12,25 milyon dollar dəyərində kredit ayırır, qalan hissə Azərbaycan hökmətinin - Rabitə Nazirliyinin və Milli Bankın payına düşür.
"Azərpoçt" strukturunun tərkibinə 59 poçtamt, iki poçt müəssisəsi, iki törəmə müəssisə və səkkiz əlaqə mərkəzi daxildir. "Azərpoçt" müəssisələrində dörd mindən çox işçi çalışır.
Məqalə müəllifi ilə əlaqə ünvanı: [email protected]