Azərbaycan, Bakı, 16 iyul / Trend , müxbir H. Vəliyev /
Sentyabrda "Azərpoçt" Dövlət Müəssisəsinin maliyyə sistemində avtomatlaşdırılmanın yaradılması üzrə işin tamamlanması gözlənilir. Bu barədə cümə axşamı Trend -a Rabitə və İnformasiya Nazirliyinin poçt rabitəsi şöbəsinin müdiri Novruz Məmmədov məlumat verib.
Söhbət poçt şöbəsinin müəssisənin mərkəzi ofisinə qoşulacağı proqram həllinin tətbiq edilməsindən gedir.
Bu gün Azərbaycan Mərkəzi Bankında istifadə olunan APUS (Automated Payment Utility Service) sisteminə qoşulmaq da nəzərdə tutulur.
Novruzovun dediyi kimi, yaxın zamanlarda "Azərpoçt" DM-nin bank xidmətləri göstərməsi üçün lisenziya alması gözlənilir. Bu, müəssisəyə ənənəvi xidmətlərlə yanaşı maliyyə xidmətləri də göstərmək imkanı verəcək. Müəssisənin məhz hansı xidmətlər göstərəcəyini Mərkəzi Bank müəyyənləşdirəcək.
Poçt maliyyə sisteminin avtomatlaşdırılması layihəsi üzərində iş keçən ilin martında başlayıb. Layihəyə HP Colvir və Sinam şirkətləri cəlb olunublar.
Məqalə müəllifi ilə əlaqə ünvanı: [email protected]