Azərbaycan, Bakı, 26 oktyabr / Trend , müxbir H.Vəliyev/
BMT-nin Azərbaycan nümayəndəliyi dövlət reysterinin formalaşdırılması və inkişafı layihəsinin ikinci mərhələsi çərçivəsində "Vətəndaş vəziyyəti aktları" avtomatlaşdırılmış informasiya qeydiyyat sisteminin təkmilləşdirilməsi üzrə texniki tapşırıqların təqdim edilməsi və IT avadanlıqlarının alınması üzrə sorğu elan edib.
İnformasiya sistemlərinin təkmilləşdirilməsi informasiya sistemləri və əhalinin dövlət reysteri arasında informasiya mübadiləsi üçün yeni modulların əlavə olunmasını, qeydiyyatın öncəki tarixlərdə aparılması imkanlarının qarşısının alınması və şəxsiyyəti təsdiq edən sənədlərin olmadığı halda məlumatların daxil edilməsi, hazır informasiyaya əlavə və düzəlişlərin edilməsi imkanlarının qarşısının alınması, Naxçıvan Muxtar Respublikasının qeydiyyat orqanlarına sistemin inteqrasiyası və s. nəzərdə tutur.
Bununla yanaşı, IT vadanlıqlarının və proqram təchizatının alınması planlaşdırılır. İştirakçıların təklifləri noyabrın 20-nə kimi BMT-nin Azərbaycan nümayəndəliyində qəbul edilir.
Məqalə müəllifi ilə əlaqə ünvanı: [email protected]
