Azərbaycan, Bakı, 04 noyabr / Trend , müxbir H.Vəliyev/
"Avirtel" şirkəti elektrik şəbəkəsi vasitəsilə İnternetə yüksəksürətli çıxışın sınağını həyata keçirib. Bu barədə şirkətin baş direktoru İsmayıl Şabani Trend -a bildirib.
Onun sözlərinə görə, hazırda şirkət tərəfindən elektrik şəbəkəsi üzrə İnternet xidmətlərinin göstərilməsi üçün avadanlıq alınaraq quraşdırılıb. Xidmət paytaxt ərazisində istismara veriləcək.
Elekrtik şəbəkəsi ilə İnternetə qoşulmaq üçün xüsusi modem əldə etmək lazımdır.
Texnologiya tamfunksiyalı olacaq və hazırkı yüksəksürətli məlumat ötürən şəbəkələrdən heç nə ilə fəqlənməyəcək.
Yeni sistemin tətbiqinin xeyli vəsait tələb etməsinə baxmayaraq, istifadəçilərə bir sıra üstünlüklər verir. İnternetə çıxışın ucuz qiymətə (təxminən iki dəfə ucuz) olmasını, telefon xətlərindən istifadə edilməməsini, eyni zamanda, məlumatların yüksək sürətlə ötürülməsini sistemin üstünlüklərinə misal göstərmək olar. Şabaninin sözlərinə görə, elektrik şəbəkəsi ilə İnternetə çıxış sürəti 300 Mbit/s-ə çata bilər.
Məqalə müəllifi ilə əlaqə ünvanı: [email protected]
