Azərbaycan, Bakı, 10 noyabr / Trend , müxbir H.Vəliyev/
Beynəlxalq Elektrorabitə Birliyi (BEB) "MDB ölkələri üçün sənət mərkəzi" layihəsinin ikinci mərhələsinin həyata keçirilməsini davam etdirmək qərarına gəlib. Bu barədə Regional Rabitə Birliyinin (RRB) məlumatında deyilir.
Qərar "Sənət mərkəzi"nin rəhbər komitəsinin və RBB-nin insan resurslarının inkişafı üzrə komissiyasının 28-29 oktyabrda Odessada keçirilən iclası zamanı qəbul edilib.
Rəhbər komitənin iclasında Azərbaycanın rabitə administrasiyasının nümayəndələri, Ukrayna, Qazaxıstan, Qırğızıstan, Belarus və Rusiya, o cümlədən MDB ölkələri üçün BEB-nin elektrorabitənin inkişaf bürosu, BEB-in zona şöbələri və RBB-nin icraiyyə komitəsi iştirak ediblər.
İclas iştirakçıları həmçinin "Sənət mərkəzi"nin fəaliyyətini optimallığa istiqamətləndirməyi və onun çərçivəsində keçirilən təlim tədbirlərinin daha geniş izah edilməsini qərara aliblar.
Komitə 2010-cu il üçün "Sənət mərkəzi" çərçivəsində keçirilmiş bir sıra tədbirlər də daxil olmaqla, layihənin vasitələri nəzərə alınaraq iş planı hazırlayıb.
RBB-nin insan resurslarının inkişafı üzrə komissiyası MBD ölkələrində həyata keçirilməsi üçün ali təhsil islahatları və normativ-hüquqi bazanın hazırlanması məsələsini müzakirə edib. Həmçinin tədris mərkəzlərində təhsilin effektivliyinin artmasına kömək edən yeni tədris vasitələri üsullarının tətbiq edilməsi təcrübəsi nəzərdən keçirilib.
RBB-nin insan resurslarının inkişafı üzrə komissiyasının və MDB ölkələri üçün BEB-in "Sənət mərkəzi"nin rəhbər komitəsinin növbəti iclası 2010-cu ilin sentyabr-oktyabrında olacaq.