...

Türkiyə şirkəti mobil rabitə operatorları ilə gələcək əməkdaşlıq üçün Azərbaycanda distribüter şəbəkəsini genişləndirmək niyyətindədir

Telekommunikasiya Materials 27 Yanvar 2010 18:26 (UTC +04:00)
Türkiyənin "Gençcell" şirkəti (ABŞ-ın mobil telefon istehsalçısı olan Generel Mobile şirkətinin rəsmi distribüteri) General Mobile markalı telefonları Azərbaycan bazarına təqdim etməyi planlaşdırır.

Azərbaycan, Bakı, 27 yanvar / Trend , müxbir H.Vəliyev/

Türkiyənin "Gençcell" şirkəti (ABŞ-ın mobil telefon istehsalçısı olan Generel Mobile şirkətinin rəsmi distribüteri) General Mobile markalı telefonları Azərbaycan bazarına təqdim etməyi planlaşdırır. Bu barədə şirkətdən Trend -a deyilib.

Şirkətdən deyilib ki, mobil rabitə operatorları ilə gələcək əməkdaşlıq məqsədi ilə Azərbaycanda distribüter şəbəkəsinin inkişaf imkanları gözdən keçirilir. Şirkət uyğun qiymətlərlə bazara mobil qurğular təqdim etmək niyyətindədir.

Türkiyə KİV-ləri bir müddət əvvəl məlumat vermişdilər ki, General Mobile şirkətinin istehsalı olan mobil telefonların Albaniya, Serbiya, Kosovo, Azərbaycan və Ukrayna bazarlarına tədarükü haqqında razılıq əldə edilib. Ümumilikdə, yaxın 3 il ərzində General Mobile 3 milyon mobil telefon istehsal etməyi planlaşdırır.

ABŞ-ın General Mobile şirkəti Çin, ABŞ, Türkiyə, BƏƏ, Hindistan və Azərbaycan bazarlarına mobil telefon tədarük edir. Şirkət 2005-ci ildə yaradılıb. Mobil telefonların tədarükünə isə 2006-cı ildə başlanıb.

Xəbər lenti

Xəbər lenti