Azərbaycan, Bakı, 30 mart / Trend , müxbir H.Vəliyev/
Azərbaycan Dövlət Radiotezliklər İdarəsi və RF Rabitə və Kütləvi Kommunikasiyalar Nazirliyi və "Baş radiotezliklər mərkəzi" federal dövlət unitar müəssisəsi işçi qruplarının iclası çərçivəsində sərhədyanı ərazilərdə radiotezlik spektrinin televiziya stansiyalarının istifadəsini tənzimləyən protokol imzalayacaq. Bu barədə Dövlət Radiotezliklər İdarəsinin baş mühəndisi İlham Əfəndiyev Trend -a deyib.
Əfəndiyevin sözlərinə görə, müqavilə sərhədboyu ərazilərdə radiotezlik spektrinin istifadəsini nizama salacaq və radioelektron vasitələrə əngəl yaradılmasını əhəmiyyətli dərəcədə aşağı salacaq. Bu gün Azərbaycan və Rusiya tərəfi arasında müzakirə olunan əsas məsələlər ikitərəfli koordinasiya, analoji radioyayımlamadan rəqəmsal yayımlamaya keçmə üçün beynəlxalq tənzimləmə əsası yaradan Cenevrə-06 müqaviləsinə müvafiq olaraq müraciət edilmiş rəqəmsal televiziyaların stansiyalarının tezliklərin mənimsənilməsinin kordinasiyasının prinsip və kateqoriyalarıdır.
Tərəflər əsas diqqəti 174-230 MHz tezlik zolağında koordinasiya kriteriyası yaratmaq yolu ilə 470-862 MHz tezlik diapazonunda rəqəmsal yerüstü teleyayım stansiyalarının ikitərəfli koordinasiyasının prinsip və kriteriyalarına yönəldir.
Əfəndiyevin sözlərinə görə, bu gün Azərbaycanda rəqəmsal teleyayım yaratmaq üçün 6-12 kanal əhatə edən üçüncü 174-230 MHz metrlik diapazon və dördüncü-beşinci 21-69 kanal əhatə edən 470-862 MHz dessimetrlik diapazon yaradılıb.
Əgər qonşu ölkələrin şəbəkələrinin müxtəlif sistemlərində avadanlıqlar quraşdırılarsa və müxtəlif tezliklərdən istifadə olunarsa, radioşəbəkələrin sərhədboyu koordinasiyasının problemləri əhəmiyyətli dərəcədə artar.
Sərhədyanı ərazilərdə tezlik mənimsənilməsi məsələsini gələcəkdə İran və Gürcüstan tərəfi ilə də müzakirə etmək planlaşdırılır.