Azərbaycan, Bakı, 10 iyun /Trend, müxbir H.Vəliyev/
Azərbaycan Müəllif Hüquqları Agentliyi insan amilinin texnoloji uğurlara və elmi-texniki nailliyyətə təsiri üzrə tədqiqat aparıb. Bu barədə Trend-ə Azərbaycan Müəllif Hüquqları Agentliyinin sədri Kamran İmanov cümə axşamı məlumat verib.
Tədqiqatda "Solou" iqtisadi-riyazi modelindən istifadə olunub. Onun əsas fərqi ondadır ki, müəllif texniki nailiyyəti ivə qtisadi artım amilini istehsal, əmək və kapital kimi amillərlə bərabər göstərir. Model yuxarıda göstərilən amillərin iqtisadi artıma təsirini təsvir edir.
İmanovun sözlərinə görə, əgər 2003-cü ildə Azərbaycanda iqtisadi artım templərinin 7,3 faizi biliklərin hesabına təmin olunub ki, bu gün həmin göstərici 21 faizi keçib.
"Azərbaycan son araşdırmaların göstərdiyi kimi, orta iqtisadi artıma malikdir ki, burada hər şeydən əvvəl əqli mülkiyyət, mühafizə və müəllif hüquqlarının təmin olunması ilə bağlı məsələlər mühüm yer alır. Bununla əlaqədar, məsələ bizdə təkcə müasir qanunvericiliyin olmasında deyil, biz həm də bu sahədə qabaqlayıcı tədbirlər həyata keçiririk. Ən vacibi də odur ki, əqli mülkiyyət iqtisadi biliklərin yaradılmasında prinsipial rol oynayır", - İmanov bildirib.
Agentliyin apardığı araşdırmalara görə, müəllif hüquqlarına əsaslanan sənayenin Azərbaycanda ÜDM töhfəsi 2,4 faiz təşkil edir.
Ümumdünya Əqli Mülkiyyət Təşkilatı (ÜƏMT) Azərbaycanda bu sahədə aparılan işlərə böyük dəstək göstərib.
Əvvəlcə xəbər verildiyi kimi, təşkilat Azərbaycana əqli mülkiyyətin milli strategiyasının hazırlanmasında kömək göstərə bilər. Əqli mülkiyyətin milli strategiyasının hazırlanması məsələsi Azərbaycan nümayəndə heyətinin ötən ilin sentyabrında İsveçrəyə səfəri zamanı Standartlaşdırma, Metrologiya və Patent üzrə Dövlət Komitəsinin sədri Ramiz Həsənovla ÜƏMT-nin baş direktoru Frensis Harri arasında razılaşdırılıb.
