Аzərbaycan, Bakı, 1 sentyabr /Trend, müxbir H.Vəliyev/
İlkin provayder Delta Telecom-un beynəlxalq rabitə kanallarının icarəsinə tariflərin növbəti endirimi internet-xidmət bazarında cüzi şəkildə əks oluna bilər. Bu barədə çərşənbə günü Trend-ə Azərbaycan İnternet-Qrupun sədri Qalib Qurbanov bildirib.
Qurbanovun fikrincə, Azərbaycan internet-seqmentinin inkişafı üçün əsas faktor təkrar provayderlər üçün telekommunikasiya xidmətlərinə qoyulan yüksək tariflərdir.
"Bu gün provayderlərin əsas xərcləri telekommunikasiya və transmissiya xidmətlərinə istiqamətlənib. İnternet-xidmətlərdə maksimal dərəcədə aşağı tariflərə nail olmaq üçün beynəlxalq kanalların icarəsinə tarifləri aşağı salmaq lazımdır", - o deyib.
Bununla yanaşı, internet-qrupun sədri bir faktı da qeyd edib ki, son illər əsasən kanalların icarəsinə gələn provayderlərin əsas xərcləri 60 faizdən 40 faizə endirilib.
