Azərbaycan, Bakı, 23 sentyabr /Trend, müxbir H.Vəliyev/
Azərbaycanda "Facebook" sosial şəbəkə istifadəçilərinin sayı avqustun 31-nə olan nəticələrə əsasən 198 340 nəfər təşkil edib. Bu barədə beynəlxalq internetdən istifadə statistika hesabatı "Internet World Stats"dan verilən məlumatda deyilir.
Azərbaycan "Facebook" sosial şəbəkə istifadəçilərinin sayına görə Qazaxıstan (104 880), Belarus (95 120), Qırğızıstan (16 380), Tacikistan (6 340), Türkmənistan (2 980) və Ermənistanı (76 700) geridə qoyur.
"Facebok" sosial şəbəkə istifadəçilərinin sayına görə liderlər üçlüyünə Rusiya (1 592 680), Gürcüstan (365 900) və Ukrayna (525 740) daxildir.
"Facebook" istifadəçilərinin ümumi sayı 500 milyon nəfəri keçir.
"Facebook" şəbəkəsi 2004-cü il fevralın 4-də fəaliyyətə başlayıb, bu gün dünyanın 60 dilində, o cümlədən Azərbaycan dilində xidmətlər göstərir.