Azərbaycan, Bakı, 10 yanvar /Trend, müxbir H.Vəliyev/
Elektron rəqəmsal imzaların tətbiqi Azərbaycanda yeni elektron xidmətlərin meydana çıxmasını və elektron qarşılıqlı fəaliyyət proseslərini sürətləndirəcək. Bu barədə bazar ertəsi Trendə "SayberNet" şirkətinin baş direktoru İlham Namazov bildirib.
"SayberNet" şirkəti Rabitə və İnformasiya Texnologiyaları Nazirliyi ilə birgə Azərbaycanda rəqəmsal imzaların praktiki tətbiqi üzrə işlər həyata keçirir.
Namazovun sözlərinə görə, bu gün müxtəlif platformalarda yaradılan mövcud informasiya bazaları və sistemlərin birləşdirilməsini nəzərdə tutan vahid "Elektron hökumət" portalı vasitəsilə informasiya xidmətlərinin göstərilməsi üçün mərkəzin yaradılması üzrə işlər həyata keçirir.
Portal vətəndaşlar və dövlət və özəl sektor müəssisələri ilə işləri dəstəkləyən əsas alət olacaq. "Elektron hökumət" portalı Azərbaycan Rabitə və İnformasiya Texnologiyaları Nazirliyi ilə birgə həyata keçirilir.
"Elektron hökumət" portalının yaradılmasında müxtəlif platformalarda yaradılan mövcud informasiya bazaları və sistemlərin birləşdirilməsini nəzərdə tutan X-Road sistemi prinsipindən istifadə olunacaq.
Bir müddət əvvəl Namazovun dediyi kimi, gələn ilin birinci rübünün sonlarında başa çatdırılacaq işlərdən sonra "Elektron hökumət" portalına respublikanın idarə və nazirlikləri mərhələli şəkildə qoşulacaqlar. Onların seçim meyarları bu idarələrin İT-infrastrukturlarının hazırlığından asılı olacaq.
Portalın yaradılması nazirliklərin bir-biriləri ilə elektron şəkildə qarşılıqlı fəaliyyət göstərmələri sayəsində vətəndaşlardan tələb olunan sənədlərin sayını azaltmağa imkan verəcək.
Nazirliklərin bir-biriləri ilə sıx fəaliyyəti üçün elektron rəqəmsal imzanın mövcudluğu lazım olacaq. Bu gün Azərbaycan Rabitə və İnformasiya Texnologiyaları Nazirliyi artıq elektron imzaların verilməsi mərkəzinin təşkili üzrə işi başa çatdırıb və o, yaxın vaxtlarda təcrübi istismara hazır olacaq.
