Azərbaycan, Bakı, 29 yanvar /Trend, müxbir H.Vəliyev/
Azərbaycan MDB ölkələrində telekommunikasiya bazarının artımı üzrə 6-cı yeri tutur. Bu barədə Britaniya-ABŞ analitik şirkəti PMR-in 2010-cu ildə MDB ölkələrində telekommunikasiya bazarının vəziyyəti üzrə dərc edilən hesabatında deyilir.
PMR-in qiymətləndirmələrinə görə, Rusiyanı çıxmaqla MDB-nin üç nəhəng telekommunikasiya bazarı Ukrayna, Qazaxıstan və Belarusdur. Onların ardınca Özbəkistan və Azərbaycan gəlir.
PMR analitikləri 2010-cu ildə telekommunikasiya bazarında kiçik artım qeydə alıblar, lakin 2011-ci ildə dinamikanın azalacağı proqnozlaşdırılır. 2010-cu ildə bütün MDB məkanında oyunçuların mədaxili 36,6 milyard avro təşkil edib.
2010-cu ildə telekommunikasiya bazarının artımı 3,9 faiz olub. PMR-in proqnozlarına görə, 2011-ci ildə MDB-də telekommunikasiya şirkətlərinin mədaxili 2,7 faiz arataq 39 milyard avroya çatacaq.
Regionda artım genişzolaqlı İnternetin gələcək nüfuzunu və məlumatların ötürülməsi xidmətinə artmaqda olan sorğuları təmin edəcək. PMR-in məlumatına görə, genişzolaqlı internetin inkişafının əsas faktoru hazırda onun nüfuzunun nuisbətən aşağı səviyyəsi, tariflərin azaldılması və bazara yeni texnologiyaların çıxarılması olacaq.
PMR-in qiymətləndirmələrinə görə, internet-servis-provayderlərinin bazarı hələ də genişlənmədən uzaqdır və bu baxımdan hətta MDB-nin ən inkişaf etmiş ölkələrində onun gələcək artım üçün xeyli potensialı var.
MDB ölkələrinin çoxunun, xüsusilə Orta Asiyanın problemi telefon şəbəkələrinin məhdud inkişafındadır. Bu, ADSL-in inkişafını və bu sahəyə investisiya qoyuluşlarını məhdudlaşdırır. MDB ölkələrində "son mil" tədarükçüsü qismində əksər hallarda UMTS şəbəkəsini işə salan mobil operatorlar çıxış edir.
Son dörd il ərzində PMR MDB ölkələrində telekommunikasiya bazarının dinamik artımını gözləyir. Növbəti illlərdə internet istifadəçiləri uğrunda rəqabətli mübarizə PMR-in qiymətləndirmələrinə görə, müəyyən edilmiş və mobil rabitə operatorları arasında olacaq. İnternet-servis-provayderlərin telekommunikasiya xidmətlərinin ümumi mədaxilindən payı artacaq.
