Azərbaycan, Bakı, 6 aprel /Trend, müxbir H.Vəliyev /
Azərbaycanın İT şirkət i AZEL korpus texnikası sistemləri və paylayıcı İT-şkafların ən böyük istehsalçısı "Rittal" şirkətinin kompleks həllərinin irəli çəkilməsinə başlayacaq.
AZEL və "Rittal"ın əməkdaşlığı haqqında çərşənbə günü Bakıda keçirilən "Rittal"ın tərəfdaşlıq seminarı çərçivəsində bildirilib.
Seminar çərçivəsində "Rittal" şirkətinin texniki əməkdaşı Konstantin Bobılev İT-infrasturkturların beş əsas komponentini (avadanlıqlar üçün dayaqlar, qida, sərinlətmə sistemləri, monitorinqin təhlükəsizliyi və data-mərkəzlərin bütün elementlərinin kənardan idarə edilməsi) birləşdirən "RimatriX5" data-mərkəzləri üçün kompleks həlləri təqdim edib. "RimatriX5" sifarişçiyə İT-infrastruktura tək server binasından məlumatların işlənməsi iri mərkəzinədək müxtəlif səviyyələr yaratmağa imkan verir.
Bobılevin sözlərinə görə, "Rittal" şirkəti HP şirkəti ilə 2017-ci ilədək 100 min ədəd dayağın tədarükü üzrə sazişə malikdir.
"Rittal"ın texniki mütəxəssisi məlumatların işlənməsi mərkəzləri üçün fiziki mühafizə sistemləri və server tikililəri (otaqlar, konteynerlər, küçədə istifadə üçün nəzərdə tutulmuş şkaflar) haqqında da danışıb və şirkətin həyata keçirdiyi layihələrdən misallar gətirib.