Azərbaycan, Bakı, 30 iyun /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyi öz şəbəkəsində telefon danışıqları üçün vaxt hesabı ödənişin tətbiqinə hazırlaşır. Bu barədə cümə axşamı Trend-ə İB-dən bildirilib.
İB-dən deyildiyinə görə, vaxt hesabı ödəniş sisteminin bu ilin sonu - gələn ilin əvvəlində tətbiq ediləcəyi gözlənilir.
Hazırda operatorun xidmətlərinin qiymətləndidilməsinin necə aparılacağı ilə bağlı son qərar yoxdur.
Bununla belə, operator tərəfindən 3 paketin tətbiqi nəzərdən keçirilir.
Birincisində iki manat həcmində aylıq abunə haqqı nəzərdə tutulub və bu paketə 400 dəqiqəlik danışıq daxildir. Limitdən artıq hər bir dəqiqənin qiyməti - 0,07 qəpiyə başa gələcək.
İkinci paketdə danışıq limitinin artırılması və buna uyğun olaraq 7 manata başa gələcək paketin də qiymətinin artırılması nəzərdə tutulur. Buna uyğun olaraq hər əlavə dəqiqənin qiyməti 0,07 qəpik müəyyənləşdiriləcək.
Üçüncü paket limitsiz ünsiyyəti nəzərdə tutur. Bu paketin qiyməti hələ müəyyənləşməyib, lakin onun 10 manat olması mümkündür.
Hazırda operatorun infrastukturu bu xidmətlərin tətbiqinə tam hazırdır, lakin İB-dən bildirildiyinə görə, müəyyən texniki amillər var ki, hazırlıq tələb edir və bu, əsasən billinq sistemi ilə bağlıdır.
