Azərbaycan, Bakı, 10 avqust /Trend, müxbir H.Vəliyev/
Naxçıvan Muxtar Respublikasında mobil rabitənin nüfuz səviyyəsi 101 faizə çatıb. Bu barədə NMR-in Bakı nümayəndəliyinin çərşənbə günü yaydığı məlumatda deyilir.
Muxtar Respublika üzrə mobil rabitənin aktiv nömrələrinin sayı iyulun 1-nə olan vəziyyətə görə, 418 min 480 ədəd təşkil edib.
Yanvar-iyunun yekunlarına görə, NMR-də mobil rabitə xidmətlərinin həcmi 17,3 milyon manatı ötüb.
Muxtar Respublikanın ərazisində GSM standartının 3 operatoru (Bakcell , Azercell və Azerfon) və bir simsiz rabitə operatoru CDMA (Naxtel) fəaliyyət göstərir. "Naxtel" tərəfindən Naxçıvan şəhərində EV-DO (Evolution-DataOptimized) məlumatların ötürülməsi texnologiyasının tətbiqi üzrə işlər başa çatıb. Texnologiya CDMA standartlı mobil rabitə şəbəkələrində istifadə edilir. Bu, operatora şəbəkəsinin abonentlərinə 2,7 Mbit/s sürəti ilə məlumatların ötürülməsi xidmətini göstərməyə imkan verib.