...

Azərbaycan provayderləri IP-TV xidmətlərini keyfiyyətli səviyyədə təqdim etməyə hazır deyil - bazar iştirakçısı

Telekommunikasiya Materials 28 Sentyabr 2011 16:33 (UTC +04:00)

Azərbaycan, Bakı, 28 sentyabr /Trend, müxbir H.Vəliyev/

Azərbaycanın internet-servis-provayderləri IP protokolu üzrə keyfiyyətli səviyyədə televiziya kanallarının təkrar translyasiyası xidmətlərini təqdim etməyə hazır deyillər. Bu barədə Trend-ə çərşənbə günü Azərbaycan Kabel Operatorları Assosiasiyasının icraçı direktoru Əli Əliyev deyib.

Əliyev bildirib ki, bunun üçün qanunvericilik aspekti ilə yanaşı, texniki tərkib hissələrinin, optik-lif infrastrukturun və s. mövcud olması tələb olunur.

Onun sözlərinə görə, kabel televiziyası operatorları ilə internet-servis-provayderlər arasında internat vasitəsilə televiziya kanallarının yayımının səlahiyyəti üzrə müəyyən ziddiyyətlər var. Çünki kabel televiziyası operatorlarından fərqli olaraq, internet provayderlərinin fəaliyyəti lisenziyalaşdırılmır ki, bu da onlar arasında müəyyən ixtilaflara səbəb olur.

"Şübhəsiz ki, söhbət provayderlərin bu xidmətləri qeyri-qanuni göstərdiklərindən getmir. Məsələ ondadır ki, kabel televiziyası operatorları telekanalların təkrar translyasiyası üçün ümumi lisenziyadan əlavə olaraq, bu və ya digər telekanalın yekun istifadəçiyə təkrar translyasiyası üçün lisenziya və ya sertifikat almaq üçün də müqavilə bağlayır. Ancaq provayderlər isə nə onu, nə də bunu etmədən televiziya translyasiyasını xidmət kimi təqdim edir, halbuki onlar bu xidməti keyfiyyətli səviyyədə təqdim etməyə tam hazır deyillər", - o deyib.

Xəbər lenti

Xəbər lenti