Azərbaycan, Bakı, 24 oktyabr /Trend, müxbir H.Vəliyev/
İlin sonuna qədər Azərbaycan mobil rabitə abunəçilərinin sayı 9719,7 milyon nəfər təşkil edəcək. Trend-in məlumatına görə, bu barədə Azərbaycan Milli Məclisinə baxılması üçün təqdim edilən 2012-ci il üçün dövlət büdcəsi layihəsində bildirilir.
Proqnozlara əsasən, Azərbaycanın mobil rabitə operatorlarının abunəçi bazasının artımı 2015-ci ilə qədər yüksələn xətt üzrə inkişaf edəcək.
2012-ci ildə bu rəqəm 10905,9 milyon, 2013-cü ildə 11504,8 milyon, 2014-cü ildə 12115,4 milyon, 2015-ci ildə 12890,5 milyon abunəçi təşkil edəcək.
Azərbaycanda əsas telefon cihazlarının (stasionar rabitə) sayı ilin sonuna qədər 1500,1 milyon ədəd təşkil edəcək. Bu rəqəm 2015-ci ilin sonuna qədər artacaq. Proqnozlara əsasən, 2012-ci ildə bu göstərici 1565,3 milyon ədəd, 2013-cü ildə 1636,8 milyon, 2014-cü ildə 1719,1 milyon, 2015-ci ildə 1810,5 milyon ədəd olacaq.
Hər 100 nəfərə düşən əsas telefon cihazlarının sayı ilin sonuna qədər 16,8 ədəd olacaq. Bu rəqəm 2012-ci ildə 17,4 ədəd, 2013-cü ildə 18,3 ədəd, 2014-cü ildə 19,6 ədəd, 2015-ci ildə isə 20,3 ədəd təşkil edəcək.