Azərbaycan, Bakı, 31 oktyabr /Trend, müxbir H.Vəliyev/
Azərbaycanın poçt rabitəsi operatoru "Azərpoçt" MMC ilin 9 ayının yekunlarına əsasən, tarif gəlirini 103 faiz artırıb. Trend-in məlumatına görə, bu barədə bazar ertəsi Azərbaycan Rabitə və İnformasiya Texnologiyaları Nazırliyinin məlumatında deyilir.
Məlumta əsasən, operatorun 16 992 000 manat dəyərində nəzərdə tutulan proqnozu 427 800 manat artıq olaraq 17 419 800 manat təşkil edib.
Ötən ilin analoji göstəricisi ilə müqayisədə əldə edilən gəlir 1 787 740 manata yüksəlib.
Poçt operatorunun yanvar-sentyabrda göstərdiyi rabitə xidmətləri üzrə əldə etdiyi gəlirin həcmi 2010-cu ilin eyni göstəricisi ilə müqayisədə 1 275 690 manat artıb. 9 ayın yekunları üzrə operatorun proqnozu isə 669 280 manat artıq olub.