Azərbaycan, Bakı, 24 dekabr / Trend, müxbir H.Vəliyev /
Oktyabrın 1-nə olan məlumata görə, dövlət rabitə operatorlarının (Aztelekom və "Bakı Telefon Rabitəsi" İB-nin) xarici borclarının məbləği 38,3 milyon manat təşkil edir. Bu barədə şənbə günü Trend-ə Rabitə və İnformasiya Texnologiyaları Nazirliyindən məlumat verilib.
Nazirliyin məlumatına görə, ümumi borcun həcmindən Aztelekom-un payına 21,9 milyon manat, "Bakı Telefon Rabitəsi" İB-nin payına isə 16,4 milyon manat düşür.
Aztelekom-la bağlanan Trans-Asiya-Avropa lif-optik kabel magistralı layihəsinə uyğun olaraq, Türkiyənin "Hesfibel" şirkətinə 9,2 milyon dollar borc ödəniləcək.
11 ayın yekunları üzrə "Huawei Technologies" şirkətinə Aztelekom 0,8 milyon manat, "Bakı Telefon Rabitəsi" İB tərəfindən isə 1,98 milyon manat ödənilib. Aztelekom KAREL şirkətinə 3,2 milyon manat həcmində vəsait ödəyib.
Azərbaycanın Rabitə və İnformasiya Texnologiyaları Nazirliyi dövlət rabitə operatorlarının abonent bazaasının 80 min ədəd artacağını proqnozlaşdırır.
Oktyabrın 1-nə olan məlumata görə, Aztelekom və "Bakı Telefon Rabitəsi" İB-də istifadə olunmayan nömrələrin sayı 232 600 ədəd təşkil edir.
