Azərbaycan, Bakı, 26 dekabr / Trend müxbir H.Vəliyev /
Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyi optik naqilləri Azərbaycandakı bütün kənd yerlərinə çatdıracaq. Bu barədə bazar ertəsi Trend-ə İB-nin baş direktoru Məhəmməd Məmmədov məlumat verib.
Məmmədovun sözlərinə görə, bu istiqamətdə işlərin tam başa çatdırılması 2012-ci ilin sonlarına planlaşdırılır.
"Biz hər bir rayon mərkəzinədək optik xəttin çəkilişi üzrə işləri başa çatdırmışıq. Gədəbəy rayonunda naqil çəkilməsi işlərinin tamamlanma mərhələsində olduğunu hesab etmək olar. Bu tədbirlər başa çatdıqdan sonra rayon mərkəzlərindəki bütün çıxış naqillərini optik olacağını söyləmək olar. Bizim məqsədimiz gələn il respublikanın bütün kəndlərini optik şəbəkə ilə əhatə etməkdir", - o deyib.
Məmmədovun sözlərinə görə, bu göstərilən operator xidmətlərinin keyfiyyətinin yüksəldilməsi ilə yanaşı, "Elektron hökumət" üçün platformanın formalaşmasına da kömək edəcək. Çünki onun telekommunikasiya avadanlıqları bazası üzrə optik infrastrukturun və installyasiyaların olması operatora müxtəlif növ xidmətlərin göstərilməsində kömək edir.