Azərbaycan, Bakı, 28 dekabr /Trend, müxbir H.Vəliyev/
"Sangfei Rusiya" şirkəti "Philips" mobil telefonlarının Azərbaycan bazarında inkişafı ilə məşğul olacaq. Trend-in məlumatına görə, bu barədə çərşənbə günü "Sanqfey SES Elektroniks Rus" şirkətinin baş direktoru Gennadi Germanın spbit.su saytında dərc edilən müsahibəsində deyilir.
"Sanqfey SES Elektroniks Rus" Rusiya bazarında 4 ildir ki, fəaliyyət göstərir və Rusiya, eləcə də MDB ölkələri ərazisində "Philips" və "Xenium" brendləri altında mobil telefonların inkişafı və satışı üçün eksklüziv lisenziyaya malikdir.
Germanın sözlərinə görə, Belarus və Gürcüstan bazarında "Philips Xenium" 2010-cu ildən mövcuddur, şirkətin Belarusda rəsmi distribüteri "Svyaznoy" şirkətidir.
2011-ci ilin ortalarında "Sangfei Rusiya" Moldovada "Conect" şirkəti ilə eksklüziv saziş imzalayıb.
"Perspektivdə artıq 2012-ci ildən etibarən "Sangfei Rusiya" Azərbaycan və Ermənistan bazarlarında fəaliyyətə başlamağı planlaşdırır", - German deyib.
