Azərbaycan, Bakı, 21 fevral /Trend müxbir H.Vəliyev/
"Bakcell" şirkəti dördüncü nəsil şəbəkənin işə salınması üçün artıq tezliklərə malik olan Azərbaycanın yeganə mobil rabitə operatorudur. Trend-in məlumatına görə, bu barədə çərşənbə axşamı jurnalistlərə "Bakcell" şirkətinin baş icraçı direktoru Riçard Şirer bildirib.
Onun sözlərinə görə, şirkət LTE texnologiyanın işə salınması üçünbu tezliklərdən istifadə etməyə icazə almaq məqsədilə artıq Azərbaycan Rabitə və İnformasiya Texnologiyaları Nazirliyinə müraciət edib.
Qeyd edək ki, bu operatorun 3G istifadəçilərinin sayı 1 milyon abunəçiyə çatır.
