Azərbaycan, Bakı, 1 dekabr /Trend, müxbir H.Vəliyev/
Nömrələrin daşınması xidmətinin tətbiqi (MNP - Mobile Number Portability) Azərbaycanın mobil rabitə bazarında Bakcell-in mövqeyini möhkəmləndirəcək. Bu barədə şənbə günü Trend-ə Bakcell-in icraçı direktoru Riçard Şirer məlumat verib.
Onun sözlərinə görə, abunəçilərin öz abunə nömrələrini dəyişdirmək istəməmələrinin müxtəlif səbəbləri mövcuddur. Abunəçilərin müəyyən miqdarının operatorun xidmətləri ilə kifayətlənmələrinin səbəblərindən biri bu nömrələrin bir çox illər əvvəl alınması və bu nömrələrin onların yaxınlarlarına və həmkarlarina məlum olmasıdır.
"Biz bu xidmətin tətbiqini tamamilə dəstəkləyirik və mobil rabitənin başqa operatorlarının bu və ya digər səbəbdən öz köhnə nömrələrinə bağlanmış böyük sayda müştərilərin Bakcell şəbəkəsinə keçə biləcəyini gözləyirik", - Şirer bildirib.
Nömrənin daşınması operatora ayrılmış prefikslə birlikdə abunə nömrəsinin tam miqrasiyasını nəzərdə tutur.
