Azərbaycan, Bakı, 13 dekabr/Trend, müxbir H. Vəliyev/
Yanvar-oktyabr aylarında Azərbaycana ümumi dəyəri 6 633,8 min dollar olan 135 485 ədəd mobil telefon idxal olunub. Bu barədə cümə axşamı Trend-ə Dövlət Statistika Komitəsindən məlumat verilib.
Məlumata əsasən, 2011-ci ilin yanvar-oktyabr ayları ilə (ötən il 116 748 ədəd mobil telefon idxal edilib) müqayisədə idxal olunan mobil telefonların sayı 16 faiz artıb, pulla ifadədə isə 4,4 faiz azalıb.
Ölkəyə hər ay orta hesabla 10-12 min ədəddən çox mobil telefon idxal edilir. Mobil telefon bazarının aylıq həcmi pulla ifadədə 500-600 min dollar təşkil edir.