Azərbaycan, Bakı, 15 aprel /Trend, müxbir H.Vəliyev/
Bu ilin yanvar-mart aylarında Azərbaycanda təşkilatlara və əhaliyə ümumi dəyəri 353,4 milyon manat olan informasiya və rabitə xidmətləri göstərilib ki, bu da 2012-ci ilin analoji dövr göstəricisindən 12,5 faiz çoxdur. Bu barədə bazar ertəsi Trend-ə Dövlət Statistika Komitəsindən bildirilib.
İnformasiya və rabitə xidmətlərinin ümumi həcmindən 72,1 faiz əhaliyə göstərilən xidmətlərin payına düşüb.
Bununla belə, əldə edilən gəlirlərin ümumi həcmindən 58,5 faiz mobil rabitə xidmətlərinin payına düşüb ki, bu da 2012-ci ilin müvafiq dövr göstərcisindən 10,7 faiz çoxdur.
Ümumilikdə, 2012-ci ilin yanvar-mart aylarında mobil rabitə xidmətlərindən əldə edilən gəlirlərin həcmi 206,9 milyon manat təşkil edib.