Azərbaycan, Bakı, 18 sentyabr /Trend, müxbir H.Vəliyev/
Naxçıvan Muxtar Respublikasının (MR) Rabitə və İnformasiya Texnologiyaları Nazirliyi "Elektron hökumət" portalında (e-hokumet.nmr.az) onlayn ödənişlər xidmətinin tətbiq edildiyini elan edib. Trend-in məlumatına görə, bu barədə çərşənbə günü nazirliyin yaydığı xəbərdə deyilir.
Nazirliyin məlumatına əsasən, hazırda portalda stasionar telefon rabitəsi və internetə görə abonent ödənişləri xidmətindən istifadə etmək mümkündür.
Azərbaycanın "GoldenPay" şirkəti onlayn ödənişlər sisteminin texniki cəhətdən qurulması üzrə sistem inteqratoru qismində çıxış edir.