Azərbaycan, Bakı, 18 soktyabr /Trend, müxbir H.Vəliyev/
2013-cü ilin yanvar-sentyabr aylarında Azərbaycanda təşkilatlara və əhaliyə ümumi dəyəri 1 113,8 milyon manat olan informasiya və rabitə xidmətləri göstərilib ki, bu da 2012-ci ilin analoji dövr göstəricisindən 7,1 faiz çoxdur. Bu barədə cümə günü Trend-ə Dövlət Statistika Komitəsindən bildirilib.
İnformasiya və rabitə xidmətlərinin ümumi həcmindən 72,3 faizi əhaliyə göstərilən xidmətlərin payına düşüb.
Bununla belə, əldə edilən gəlirlərin ümumi həcmindən 59,2 faiz mobil rabitə xidmətlərinin payına düşüb ki, bu da 2012-ci ilin müvafiq dövr göstəricisindən 9,6 faiz çoxdur.
Ümumilikdə, 2013-ci ilin yanvar-sentyabr aylarında mobil rabitə xidmətlərindən əldə edilən gəlirlərin həcmi 659,8 milyon manat təşkil edib.