Azərbaycan, Bakı, 20 iyun /Trend, müxbir Hüseyn Vəliyev/
2014-cü ilin yanvar-may aylarında Azərbaycanın Naxçıvan Muxtar Respublikasında (NMR) informasiya və rabitə xidmətlərinin göstərilməsindən əldə olunan gəlirlərin ümumi həcmi 18,8 milyon manatı ötüb ki, bu da 2013-cü ilin analoji dövrünün göstəricisindən 2,2 faiz çoxdur.
Trend-in məlumatına görə, bu barədə cari ilin 5 ayının yekunları üzrə NMR-in sosial-iqtisadi inkişafı üzrə hesabatda deyilir.
Hesabatda qeyd olunur ki, göstərilən xidmətlərin ümumi həcmindən 83,8 faiz mobil rabitə xidmətlərinin payına düşüb.
Bu dövr ərzində mobil rabitə xidmətlərindən əldə olunan gəlirlərin ümumi həcmi 15,7 milyon manatı ötüb ki, bu da ötən ilin eyni dövrünün göstəricisini 1,1 faiz üstələyir.