...

Azərbaycanda İT texnologiya parkı şəbəkəsinin genişləndirilməsi üzrə konsepsiya hazırlanıb

Telekommunikasiya Materials 4 Sentyabr 2014 18:14 (UTC +04:00)

Azərbaycan, Bakı, 4 sentyabr /Trend, müxbir Hüseyn Vəliyev/

Rabitə və Yüksək Texnologiyalar Nazirliyi (RYTN) ölkənin bütün ərazisində İT texnologiya parkının fəaliyyətinin inkişafının prioritet istiqamətlərini müəyyənləşdirib. Bunu cümə axşamı Trend-ə nazirlikdən deyiblər.

Mənbənin sözlərinə görə, nazirliyin hazırladığı konsepsiya yeni yanaşmanı müəyyənləşdirib və bütün respublika ərazisində İT texnologiya parkının filial şəbəkəsinin formalaşdırılmasını nəzərdə tutur: "Bu konsepsiya Yüksək Texnologiyalar Parkının tikilməsinin planlaşdırıldığı müddəti əhatə edir. Buna da təqribən iki il tələb olunur".

RYTN-dən qeyd ediblər ki, bu dövr ərzində yaradılan texnologiya parkının filiallarının vəzifəsini ölkədə fəaliyyət göstərən müəssisələr, ali təhsil müəssisələri həyata keçirə biləcəklər: "Bunlar Mingəçevirin KÜR kompüter istehsalı zavodu, Gəncənin "Büllur" zavodudur. Sahibkarlar həmin zavodlarda layihələrini reallaşdıra bilərlər".

Qeyd edək ki, İT texnologiya parkının tikintisi çərçivəsində layihələndirmə prosesinə texniki nəzarətini ABŞ-ın "Hill International" şirkəti həyata keçirir. Yüksək Texnologiyalar Parkının tikintisi üçün Bakının Pirallahı rayonunda 50 hektar torpaq sahəsi ayrılıb.

Parkın ərazisində inzibati və yaşayış binaları tikiləcək, inkubasiya mərkəzi, yüksək texnologiyalı məhsulların istehsalı üzrə mini zavodlar və s. yaradılacaq.

Məqalədə:
Xəbər lenti

Xəbər lenti