Azərbaycan, Bakı, 15 sentyabr /Trend, müxbir Hüseyn Vəliyev/
2014-cü ilin yanvar-avqust aylarında Azərbaycanda təşkilatlara və əhaliyə ümumi dəyəri 988,9 milyon manat olan informasiya və rabitə xidmətləri göstərilib ki, bu da 2013-cü ilin analoji dövr göstəricisindən 10,5 faiz çoxdur. Trend-in məlumatına görə, bu barədə Dövlət Statistika Komitəsinin (DSK) 8 ayın yekunlarına dair hesabatında deyilir.
Hesabata görə, informasiya və rabitə xidmətlərinin ümumi həcmindən 72,6 faiz əhaliyə göstərilən xidmətlərin payına düşüb. Bununla belə, əldə edilən gəlirlərin ümumi həcmindən 60,2 faiz mobil rabitə xidmətlərinin payına düşüb.
Ümumilikdə 2014-cü ilin yanvar-avqust aylarında mobil rabitə xidmətlərindən əldə edilən gəlirlərin həcmi 595 milyon manat təşkil edib ki, bu da 2013-cü ilin eyni dövrü ilə müqayisədə 8 faiz çoxdur.