Azərbaycan, Bakı, 19 noyabr /Trend, müxbir Hüseyn Vəliyev/
Azərbaycanın mobil operatorlarına baza stansiyalarının optimallaşdırılması üzrə müxtəlif variantlar təklif olunacaq ki, bu da onlara öz əhatə zonalarını genişləndirməyə imkan verəcək. Bu barədə Trend-ə ölkənin telekommunikasiya bazarındakı mənbə bildiirb.
Mənbə deyib ki, hazırda Azərbaycanın Rabitə və Yüksək Texnologiyalar Nazirliyinin Dövlət Radiotezliklər İdarəsi respublika ərazisində iqtisadi baxımdan sərfəli və səmərəli fəaliyyət göstərən şəbəkənin inşasına imkan verən platformanın proqramını hazırlayır: "Eləcə də əvvəllər quraşdırılmış siqnal qəbulu stansiyalarının təkmilləşdirilməsi işləri aparılır. Daha geniş - 40 GHz-ə qədər diapazonda çalışan yeni avadanlıqlar quraşdırılır. Bu, respublika ərazisindəki GSM, eləcə də digər rabitə standartlarının bütün yayım diapazonunu əhatə etməyə kömək edəcək".
Onun sözlərinə görə, yeni sistem baza stansiyalarının quraşdırılması işlərinin optimallaşdırılmasına imkan verəcək ki, bu da mobil rabitə xidmətləri tədarükçüləri üçün iqtisadi baxımdan sərfəlidir.