Bakı. Hüseyn Vəliyev - Trend:
Dövlət Gömrük Komitəsinin daha bir xidməti "Elektron hökumət" (e-gov.az) portalına inteqrasiya edilib. Trend-in xəbərinə görə, bu barədə Məlumat Hesablama Mərkəzinin yaydığı məlumatda deyilir.
Yeni elektron xidmət "Sərhədyanı gömrük məntəqələrində qeydiyyata alınmış məhsullarım" adlanır və komitənin e-xidmət bölməsində əlçatandır.
Bu xidmətdən istifadə edən fiziki və hüquqi şəxslər elektron imza və VÖEN-dən istifadə edəcək adlarına gəlmiş məhsullar barədə məlumat ala bilərlər.