...

Azərbaycan-Ukrayna əlaqələrinin 30 illiyinə həsr olunan poçt bloku təqdim olunub (FOTO)

Telekommunikasiya Materials 5 Dekabr 2022 17:35 (UTC +04:00)
Azərbaycan-Ukrayna əlaqələrinin 30 illiyinə həsr olunan poçt bloku təqdim olunub (FOTO)

Trend-i buradan izləyin

Bakı. Trend:

“Azərpoçt” MMC-də Azərbaycan və Ukrayna arasında diplomatik əlaqələrin yaranmasının 30 illiyinə həsr olunan xüsusi poçt markalarının təqdimatı olub.

Ukrayna Respublikasının Azərbaycandakı səfirliyinin təşəbbüsü və Azərbaycan Respublikası Xarici İşlər Nazirliyinin dəstəyi ilə buraxılmış poçt blokunda “Azərbaycan – Ukrayna diplomatik münasibətlərinin 30 illiyi” sözləri qeyd edilib. İki marka və bir kupondan ibarət poçt blokunda hər iki ölkənin bayraqları, eləcə də Petrikovka təsvirləri (Ukraynanın dekorativ – naxışlı xalq rəsmləri) və Şəki xan sarayına aid ornamentlər əks olunub.

Təqdimat mərasimində Ukraynanın Azərbaycandakı fövqəladə və səlahiyyətli səfiri Vladislav Kanevski çıxış edərək iki dövlət arasında münasibətlərin son illər daha da güclənməsindən məmnunluğunu bildirib.

“Azərpoçt” MMC-nin İdarə Heyətinin sədri Əfqan Cəlilov isə dost ölkə ilə poçt sahəsində əməkdaşlığın daim inkişaf etdirilməsi üçün səylər göstərilməsinin vacibliyini vurğulayıb.

Xüsusi poçt bloku 4000 tirajla və 200 ədəd “Birinci gün” zərfi ilə birgə buraxılıb.

Məqalədə:
Xəbər lenti

Xəbər lenti