Azərbaycanın rabitə və informasiya texnologiyaları Nazirliyi ölkənin Milli Məclisinə və Nazirlər Kabinetinə İT sahəsində (texnopark) respublikada azad iqtisadi zonanın yaradılması məsələsinin müzakirəsi ilə bağlı müraciət edib. Nazirlikdə Trend ə bildirilib ki, hazırda elmi inkubatorların yaradılması üzrə normativ-hüquqi bazanın hazırlanması ilə bağlı işlər aparılır.
Nazirlikdə qeyd olunub ki, işlər nazirliyin mütəxəssislərindən ibarət yaradılmış xüsusi işçi qrupu tərəfindən həyata keçirilir.
Həmçinin bu layihə ilə bağlı EBRD, Ernst & Young, Cisco, ATİB və digər bir sıra beynəlxalq təşkilatlar və şirkətlərlə danışıqlar aparılır.
2005-2008-ci illərdə Azərbaycanda informasiya-kommunikasiya texnologiyalarının inkişafı dövlət proqramına əsasən texnoparkların 2008-ci ilədək yaradılması nəzərdə tutulur.