Estoniyanın aeronaviqasiya xidməti Azərbaycanın R.İ.S.K. elmi-istehsalat şirkətinin software həllini seçib. Bu barədə Trend şirkətə istinadən xəbər verir. Sifarişçi R.İ.S.K., PANDA software texnologiyasının bazasında qurulmuş həllər kompleksi ilə təmin olunacaq.
Həll aeroport sahəsində maneənin aradan qaldırılması üzrə avtomatlaşdırılmış nəzarətə qədər müşahidə uçuş prosedurlarının və digər aeronaviqasiya məsələlərinin inkişafı üçün avtomatlaşdırılmış sistemdən ibarətdir. Həll beynəlxalq təşkilatların (İCAO and EuroControl) tələblərinə cavab verir. Estoniya Azərbaycan və Latviyadan sonra PANDA əsasında qurulmuş həlləri həyata keçirən dünyada üçüncü ölkə oldu.
PANDA (PANDA AeroNaviqasiya üçün Prosedurlar - Dizayn və Analiz deməkdir)- vizual uçuşlar və cihazlar üzrə uçuş prosedurlarının hazırlanması üçün avtomatlaşdırılmış sistemdir. O həmçinin istənilən konkret aerodrom üçün mövcud aerodrom sxemlərinin təhlilini yerinə yetirməyə imkan verir.
R.İ.S.K. - 12 illik iş təcrübəsi olan sistem inteqratoru və proqram əlavələrini hazırlayan şirkətdir. ISO 9001:2000 keyfiyyəti ilə beynəlxalq idarəetmə standartlarının tələblərinə müvafiq olaraq sertifikatlaşdırılıb. 2003-cü ildən etibarən Azərbaycan və Latviyanın aeronaviqasiya informasiya xidmətlərində beynəlxalq İCAO standartları üzrə aerodrom prosedurlarının dizaynı zamanı keyfiyyət sisteminin zəmanətçisi olan şirkətin məhsulu tətbiq olunub.
Dünyanın bir sıra ölkələrində PANDA sisteminin uğurla istismar edildiyini nəzərə alaraq, R.İ.S.K. bu ilin yayında Madriddə Aeronaviqasiya İnformasiya Xidmətinin (AİS) Ümumdünya Konqresində Hava nəqliyyatının təhlükəsizliyinin təmin olunması üzrə Avropa təşkilatından (EUROCONTROL) aeronaviqasiya məlumatları mübadiləsinin yeni standartının hazırlanması üzrə işçi qrupa daxil olmaq haqqında dəvət alıb.
